Rais Magufuli aweka jiwe la msingi ujenzi wa soko la Kisutu

Posted on: February 25th, 2021

Na: Waandishi wetu

Raisi wa Jamuhuri ya Muungano wa Tanzania Mh Dkt. JOHN POMBE MAGUFULI  ameweka jiwe la msingi  katika  soko  la kisutu  leo  Februari 25, 2021 katika  viwanja  vya  Mnazi  Mmoja  jijini  Dar es  salaam.

Akizungumza  katika hafla hiyo mheshimiwa Raisi wa Jamuhuri ya Muungano wa Tanzania amesema “Nimeweka jiwe la msingi lakini pia nimelifungua soko la kisutu hivyo mkandarasi anatakiwa kwa tarehe alizopangiwa  ahakikishe anakabizi soko hilo kwani kazi hiyo ingetakiwa ikamilike tokea  mwaka jana”.

 Pia  Raisi wa Jamuhuri ya Muungano wa Tanzania Mh Dkt. John Pombe Magufuli ameleza kuwa masoko ni kungo muhimu sana katika mnyororo wa uzalishaji na biashaara, “ Kupitia masoko wakulima wetu wanaweza kupata mahali pakuuzia mazao yao na chakula kwa bei nzuri watanzania zaidi ya asilimia 70 ni wakulima hivyo kupitia soko hili ndio wakulima hao watakapo pata nafasi ya kuuza bidhaa zao na kujipatia riziki”.Amesema Mh Dkt.JOHN POMBE MAGUFULI.

Aidha, Raisi ameipongeza Manispaa ya Ilala kwa kupanda hadhi na kuwa Halmashauri ya  Jiji la Dar Es Salaam na kusema, “Mnastahili wala hamkupendelewa ni haki yenu kwasababu hata katika taarifa zilizotolewa na Waziri wa TAMISEMI  Mh.Selemani Jafo  kwamba hata katika ukusanyaji wa mapato  Ilala  ndio  inaongoza kwahiyo aliyekua  mstahiki Meya wa  Manispaa ya Ilala  ndio atakaekuwa Meya wa Halmashari ya Jiji la Dar es Salaam pamoja na Naibu Meya.  

Raisi ameahidi kutatua changamoto  zote za miundombinu zilizokua zinakabiliwa  na iliyokua Manispaa ya Ilala kuwa kwa sasa zitatatuliwa bila shida yoyote kwasababu bajeti itaongezeka tofauti na ilivyokua awali.

Vilevile, Waziri wa TAMISEMI Mh.Selemani Jafo amaipongeza iliyokua Manispaa ya Ilala kupandishwa hadhi kuwa Halmashauri ya jiji la Dar Es Salaam na pia aliyekuwa Mkurugenzi wa Manispaa ya Ilala kuwa Mkurugenzi wa  Halmashauri ya Jiji la Dar Es Salaam.

“Iliyokuwa mipaka y amanispa ya Ilala ukianzia ukonga, Segerea na Ilala maeneo hayo yote ambayo yanahusisha bandari ya Dar Es  Salaam, uwanja wa ndege wa Kimataifa  Ikulu ya  sasa  iliyokua ikulu  ya hapa Dar Es Salaam  na eneo lile Mkuu wa Wilaya ya Ilala alilokua akitawala  ilikua ikilitawala eneo hilo  sasa ndio mipaka ya Jiji la Dar Es Salaam”.Amesema hayo Mh.Jafo

Hivyo kutokana na ufunguzi wa soko hilo la Kisutu watu wengi watapata ajira na ukusanyaji wa mapato katika Jiji utaongezeka Kwa kiasi kikubwa.