Mradi wa Maboresho ya Mtaa wa Samora

Start Date: 2017-01-01

End Date: 2017-08-01

Mradi wa Maboresho ya Mtaa wa Samora jijini Dar es Salaam unafadhiliwa na Serikali ya Japan kupitia JICA ambao unagharimu jumla ya Dola za Kimarekani 400,000 na ulianza kutekelezwa mnamo mwezi Januari, 2017 na kukamilika mwezi Agosti, 2017. Mradi huu ni miongoni mwa miradi ya mifano ambayo imeandaliwa kwa pamoja na wataalam wa JICA na wa Taasisi mbalimbali za Serikali ya Tanzania zinazojihusisha na usafiri/usafirshaji katika Jiji la Dar es Salaam.

Lengo la Mradi:

1. Kuboresha usalama barabarani na kuondoa msongamano wa magari kwa kutengeneza maegesho sahihi ya magari na njia za waendao kwa miguu.
2. Kusaidia juhudi za Manispaa ya Ilala za kupendezesha mitaa ya Jiji kwa kupanda miti na kuweka taa za barabarani

Mbinu za Utekelezaji:

1. Kuanzisha sheria za maegesho ya magari katika barabara kwa kutegemea nafasi zilizopo
2. Kuondosha maegesho yasiyo rasmi na kuanzisha maeneo rasmi ya maegesho ya magari kwa kuzingatia sheria.
3. Kutekeleza/Kusimamia sharia za maegesho ya mitaaani kwa kuweka alama na michoro ya maegesho katika mitaa.
4. Kujenga njia za waendao kwa miguu kwa kuboresha njia hizo pamoja na upandaji wa miti.

Faida za Mradi:

1. Kuboresha mazingira mazuri na salama ya njia za waenda kwa miguu kandokando ya Mtaa wa Samora.
2. Mazingira mazuri ya maegesho ya magari yatachangia mapato na kupandisha thamani ya ardhi/nyumba.

Hasara tarajiwa za Mradi:

1. Wakati wa ujenzi, mradi utasababisha wateja kupungua katika maeneo ya biashara.
2. Idadi ya maegesho ya Mtaa wa Samora yatapungua wakati na baada ya ujenzi wa mradi.
3. Kwa kiasi kidogo kutakuwa na athari za kimazingira ikiwemo kelele za mitambo na vumbi litokanalo na utekelezaji wa kazi za ujenzi.
   

   Hali Halisi ya Sasa ya mtaa wa Samora
   Matatizo na Changamoto